Íbúðaverð í borginni stóð í stað í mars

Íbúðaverð í borginni stóð í stað milli febrúar og mars og hefur lækkað örlítið frá áramótum.

Þetta kemur fram á vefsíðu Þjóðskrár Íslands. Þar segir að vísitala íbúðaverðs á höfuðborgarsvæðinu í mars hafi staðið í stað frá fyrri mánuði.

Síðastliðna 3 mánuði lækkaði vísitalan um 0,1%, síðastliðna 6 mánuði hækkaði hún um 1,6% og síðastliðna 12 mánuði hækkaði hún um 4,6%.

Vísitalan sýnir breytingar á meðaltali fermetraverðs en er ekki ætluð til að verðtryggja fjárskuldbindingar.