Veiði

Árbót og Tjörn aftur með Nesveiðum

Kristján Hjálmarsson skrifar
Yfirlitskort yfir Árbótar- og Tjarnarsvæðið. Margir góðir veiðistaðir eru á svæðinu.
Yfirlitskort yfir Árbótar- og Tjarnarsvæðið. Margir góðir veiðistaðir eru á svæðinu. Mynd/SVFR
Veiðisvæði Tjarnar og Árbótar í Aðaldal munu fylgja Nesveiðum í sumar en ekki seld sér eins og verið hefur. Stöngum verður ekki fjölgað á móti. Þetta kemur fram á vef Stangveiðifélags Reykjavíkur (SVFR).

"Þetta er mikil viðbót fyrir veiðimenn á Nesveiðum, en inn í svæðin bætast nú veiðistaðir líkt og Tjarnarhólmaflúð, Símastrengur, Höskuldarvík, Bótarstrengur, Spónhylur og Brúargerði svo dæmi séu tekin," segir á vef SVFR. "Því mun ekki verða hægt að bóka Tjarnar- og Árbótasvæðið eitt og sér í sumar. Veiðihúsið Lynghóll mun því fylgja svæðum Staðartorfu, Múlatorfu og Presthvamms út sumarið."

SVFR samdi við landeigendur í Árbót um leigu á veiðisvæðinu í febrúar 2011.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.