ESB sektar Microsoft um rúma 90 milljarða

Evrópusambandið hefur sektað tölvurisann Microsoft um 561 milljón evra eða yfir 90 milljarða króna.

Sektin er vegna þess að Microsoft bauð ekki upp á aðra möguleika á netvöfrum en sinn eigin, það er Internet Explorer, í tölvum sínum.

Árið 2010 sömdu Evrópusambandið um að Microsoft byði neytendum upp á aðra valmöguleika eins og Firefox eða Chrome. Sá möguleiki var síðan felldur út með Windows 7 stýrikerfinu árið 2011. Fyrir það er Microsoft sektað enda talið samkeppnishamlandi hvernig tölvurisinn stóð að málinu.

Microsoft segir að um tæknileg mistök hafi verið að ræða að aðrir valmöguleikar á vöfrum duttu út með nýja stýrikerfinu.