Æskudraumur Dóru rættist

Leikkonan Dóra Jóhannsdóttir upplifði æskudrauminn er hún hitti átrúnaðargoð sitt, leikkonuna Julie Andrews, í New York um helgina. Vinkona Dóru, leikkonan Elma Lísa Gunnarsdóttir, var stödd í heimsókn hjá henni er þær mættu Andrews og spjölluðu leikkonurnar þrjár víst heillengi saman. Andrews er hvað þekktust fyrir hlutverk sitt í Sound of Music og Mary Poppins. Dóra hefur verið búsett í New York síðan í haust ásamt eiginmanni sínum, Jörundi Ragnarssyni, sem stundar nám í kvikmyndafræði við Columbia-háskólann.