Icelandair kaupir tvær Boeing 757-200 vélar

Vegna aukningar í millilandaflugi mun Icelandair vera með 18 vélar í rekstri sumarið 2013 samanborið við 16 vélar í fyrrasumar. Gengið hefur verið frá kaupum á tveimur Boeing 757-200 vélum sem munu bætast við flota félagsins á næstu mánuðum.

Báðar vélarnar verða útbúnar með nýjum sætum og skemmtikerfi sett í þær báðar. Kaupverðið, sem er trúnaðarmál, var greitt með sjóðum félagsins, að því er segir í tilkynningu til Kauphallarinnar.

Gert er ráð fyrir að báðar vélarnar verði tilbúnar til notkunar í maí næst komandi.