Vísitala framleiðsluverðs hækkar áfram

Vísitala framleiðsluverðs í nóvember s.l. var 216,2 stig og hækkaði um 0,4% frá október.

Vísitala framleiðsluverðs fyrir sjávarafurðir var 270,0 stig, sem er hækkun um 0,8% (vísitöluáhrif 0,3%) frá fyrri mánuði og vísitala fyrir stóriðju var 230,3 stig, lækkaði um 1,1% (-0,4%). Vísitalan fyrir matvæli hækkaði um 0,2% en vísitala fyrir annan iðnað hækkaði um 2,9% (0,5%).

Þetta kemur fram á vefsíðu Hagstofunnar. Þar segir að vísitala framleiðsluverðs fyrir vörur sem framleiddar voru og seldar innanlands hækkaði um 1,3% (0,3%) milli mánaða en vísitala fyrir útfluttar afurðir hækkaði um 0,2% (0,1%).

Miðað við nóvember 2011 hefur vísitala framleiðsluverðs hækkað um 2,5% en verðvísitala sjávarafurða hækkað um 3,1%. Á sama tíma hefur verð á afurðum stóriðju hækkað um 0,1% en matvælaverð hefur hækkað um 2,8%.