Þjónustujöfnuður við útlönd var í járnum

Útflutningur á þjónustu á fyrsta ársfjórðungi ársins var, samkvæmt bráðabirgðatölum, 77,3 milljarðar króna en innflutningur á þjónustu 76,6 milljarðar. Þjónustujöfnuður við útlönd var því jákvæður um 0,6 milljarða króna á fyrsta ársfjórðungi en var neikvæður um 5,7 milljarða á sama tíma 2012 á gengi hvors árs.

Á vefsíðu Hagstofunnar segir að samgöngur er stærsti þjónustuliður í útflutningi og afgangur vegna þeirrar þjónustu var 14,3 milljarðar kr. Önnur þjónusta er stærsti liður í innflutningi og nam halli á þeirri þjónustu 12,2 milljörðum kr. Halli á ferðaþjónustu var 1,5 milljarðar kr.