Varla meirihluti án Sjálfstæðisflokksins Brjánn Jónasson skrifar 14. apríl 2012 20:04 Svona hefur fylgi stjórnmálaflokkanna þróast að undanförnu. Eini möguleikinn til að mynda ríkisstjórn án þátttöku Sjálfstæðisflokksins er ríkisstjórn allra hinna flokkanna fimm sem ná sæti á Alþingi samkvæmt skoðanakönnun Fréttablaðsins. Ný framboð ná samtals átta þingmönnum, en hátt hlutfall kjósenda á enn eftir að gera upp hug sinn. Sjálfstæðisflokkurinn hefur bætt við sig verulegu fylgi síðustu mánuði samkvæmt skoðanakönnun Fréttablaðsins sem gerð var í vikunni. Nær óhugsandi væri að mynda starfhæfa ríkisstjórn án aðkomu flokksins yrðu niðurstöður kosninga í takt við útkomu skoðanakönnunarinnar. Sjálfstæðisflokkurinn fengi samkvæmt könnuninni 29 þingmenn, og þyrftu allir hinir flokkarnir fimm sem ná inn mönnum að mynda ríkisstjórn saman til að flokkurinn komist ekki í ríkisstjórn. Sá meirihluti væri þrátt fyrir aðild fimm flokka fremur veikur, með aðeins 34 þingmenn af 63. Enn er þó hátt hlutfall kjósenda sem ýmist hefur ekki gert upp hug sinn, eða vill ekki gefa upp hvaða flokkur yrði fyrir valinu þegar í kjörklefann er komið. Alls tóku um 54 prósent þeirra sem haft var samband við afstöðu til einhvers stjórnmálaflokks. Svo lágt svarhlutfall þýðir að taka verður niðurstöðu könnunarinnar með ákveðnum fyrirvara, þó hún gefi góða hugmynd um hvernig afstaða kjósenda til flokkanna er um þessar mundir. Almennt hefur lágt svarhlutfall í könnunum verið tengt óánægju kjósenda með þá stjórnmálaflokka sem í boði eru, og með stjórnmálin almennt. Svarhlutfallið í könnun Fréttablaðsins er þó talsvert hærra en skömmu eftir hrun, þó það nái ekki þeim 65 prósentum sem algengt var fyrir hrun.Fleiri styðja Sjálfstæðisflokkinn Stuðningur við stóru flokkana fjóra; Sjálfstæðisflokk, Framsóknarflokk, Samfylkingu og Vinstri græna, hefur í öllum tilvikum aukist frá síðustu könnun, þó mismikið sé. Þetta skýrist að hluta með fylgistapi Samstöðu, flokks Lilju Mósesdóttur, frá síðustu könnun. Sjálfstæðisflokkurinn nýtur nú stuðnings 42,6 prósenta þeirra sem afstöðu taka til einhvers stjórnmálaflokks í könnun Fréttablaðsins. Könnunin var gerð dagana 11. og 12. apríl. Stuðningur við Sjálfstæðisflokkinn eykst verulega milli kannanna. Í könnun Fréttablaðsins og Stöðvar 2 sem gerð var fyrri hluta febrúar mældist flokkurinn með 35 prósent atkvæða. Aukning á fylgi flokksins er enn meiri sé litið til kjörfylgis hans í síðustu kosningum. Þá fékk flokkurinn 23,7 prósent atkvæða. Samkvæmt könnuninni hefur stuðningur við flokkinn aukist um nærri 19 prósentustig frá kosningunum 2009. Fengi Sjálfstæðisflokkurinn stuðning 42,6 prósenta kjósenda í kosningum myndi það skila flokknum 29 þingsætum. Það er næstum tvöföldun á þingstyrk flokksins, sem er með 16 þingmenn í dag. Samfylkingin bætir örlítið við fylgi sitt frá síðustu könnun, en er engu að síður með innan við helming af þeim stuðningi sem flokkurinn fékk í síðustu kosningum. Um 14,8 prósent segjast myndu kjósa flokkinn yrði gengið til kosninga nú. Í könnun Fréttablaðsins og Stöðvar 2 í febrúar mældist fylgið 12,3 prósent. Flokkurinn fékk 29,8 prósent atkvæða í síðustu kosningum.Þingstyrkur stjórnar helmingaður Samfylkingin fengi samkvæmt þessari niðurstöðu tíu þingmenn kjörna, helming þeirra 20 sem flokkurinn er með í dag. Framsóknarflokkurinn er nú svipaður að stærð og Samfylkingin, en nýtur þrátt fyrir það ekki jafn afgerandi fylgisaukningar og Sjálfstæðisflokkurinn. Um 14,6 prósent segjast myndu kjósa flokkinn nú, svipað hlutfall og í síðustu kosningum þegar flokkurinn fékk 14,8 prósent atkvæða. Í síðustu könnun mældist Framsóknarflokkurinn með 12,5 prósenta stuðning og aukningin um tvö prósentustig. Þessi stuðningur myndi skila flokknum níu þingmönnum, einum færri en hann er með í dag. Vinstri grænir eru hvergi nærri því að ná kjörfylgi sínu, og mælast aðeins með stuðning 8,6 prósenta kjósenda. Það er örlítil aukning frá síðustu könnun, þegar stuðningurinn mældist 8 prósent, en aukningin er innan skekkjumarka. Flokkurinn fékk 21,7 prósenta stuðning í síðustu kosningum, og hefur fylgið því dalað um 13,1 prósentustig. Vinsti grænir fengju samkvæmt þessu helming þess þingstyrks sem þeir eru með í dag, eða sex þingmenn kjörna.Ný framboð ná átta á þing Tvö ný framboð myndu ná mönnum á þing yrðu niðurstöður þingkosninga í samræmi við könnun Fréttablaðsins. Alls sögðust 7,2 prósent styðja Bjarta framtíð, sem er aukning um 1,1 prósentustig frá síðustu könnun. Flokkurinn fengi samkvæmt því fjóra þingmenn. Stuðningur við Samstöðu hrynur frá síðustu könnun. Þá mældist flokkurinn með 21,3 prósenta fylgi, en aðeins 6 prósent segjast myndu kjósa flokkinn nú. Það fylgi myndi duga til að ná fjórum mönnum á þing. Önnur framboð virðast ekki hafa náð hylli kjósenda. Hægri-grænir fengju atkvæði 2,3 prósenta kjósenda samkvæmt könnuninni. Dögun, sameiginlegt framboð Hreyfingarinnar, Borgarahreyfingarinnar, Frjálslyndra og fleiri, nýtur stuðnings 2,1 prósents kjósenda. Minnstur mælist stuðningur við Lýðfrelsisflokkinn, um 0,9 prósent. Nýju framboðin njóta samanlagt talsverðrar hylli meðal almennings, og fengju samtals 18,5 prósent atkvæða. Vegna þess hversu atkvæðin dreifast á marga flokka myndu þau skila þeim hlutfallslega fáum þingmönnum miðað við atkvæðamagn.Margir enn óákveðnir Enn er talsverður hluti kjósenda sem ekki gefur upp afstöðu til stjórnmálaflokka. Um tíu prósent þeirra sem hringt var í sögðust ekki hafa gert upp hug sinn. Um sextán prósent sögðust ekki ætla að kjósa, eða ætla að skila auðu. Um 20 prósent vildu ekki svara spurningunni. Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ferðamannastaðir Færeyja lokaðir vegna viðhalds Erlent Tillagan „langt frá“ grundvallarkröfum Ísraela Erlent Alþjóðanemar neyðist til að vinna svart á Íslandi Innlent Bein útsending: Starliner ber geimfara til geimstöðvarinnar Erlent Kveðst ekki svindla á neinum með happdrætti sínu Innlent Sanngirnisbótafrumvarpið sé blekking Innlent Stóra stundin að renna upp: Bjartsýn en með báða fætur á jörðinni Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira
Eini möguleikinn til að mynda ríkisstjórn án þátttöku Sjálfstæðisflokksins er ríkisstjórn allra hinna flokkanna fimm sem ná sæti á Alþingi samkvæmt skoðanakönnun Fréttablaðsins. Ný framboð ná samtals átta þingmönnum, en hátt hlutfall kjósenda á enn eftir að gera upp hug sinn. Sjálfstæðisflokkurinn hefur bætt við sig verulegu fylgi síðustu mánuði samkvæmt skoðanakönnun Fréttablaðsins sem gerð var í vikunni. Nær óhugsandi væri að mynda starfhæfa ríkisstjórn án aðkomu flokksins yrðu niðurstöður kosninga í takt við útkomu skoðanakönnunarinnar. Sjálfstæðisflokkurinn fengi samkvæmt könnuninni 29 þingmenn, og þyrftu allir hinir flokkarnir fimm sem ná inn mönnum að mynda ríkisstjórn saman til að flokkurinn komist ekki í ríkisstjórn. Sá meirihluti væri þrátt fyrir aðild fimm flokka fremur veikur, með aðeins 34 þingmenn af 63. Enn er þó hátt hlutfall kjósenda sem ýmist hefur ekki gert upp hug sinn, eða vill ekki gefa upp hvaða flokkur yrði fyrir valinu þegar í kjörklefann er komið. Alls tóku um 54 prósent þeirra sem haft var samband við afstöðu til einhvers stjórnmálaflokks. Svo lágt svarhlutfall þýðir að taka verður niðurstöðu könnunarinnar með ákveðnum fyrirvara, þó hún gefi góða hugmynd um hvernig afstaða kjósenda til flokkanna er um þessar mundir. Almennt hefur lágt svarhlutfall í könnunum verið tengt óánægju kjósenda með þá stjórnmálaflokka sem í boði eru, og með stjórnmálin almennt. Svarhlutfallið í könnun Fréttablaðsins er þó talsvert hærra en skömmu eftir hrun, þó það nái ekki þeim 65 prósentum sem algengt var fyrir hrun.Fleiri styðja Sjálfstæðisflokkinn Stuðningur við stóru flokkana fjóra; Sjálfstæðisflokk, Framsóknarflokk, Samfylkingu og Vinstri græna, hefur í öllum tilvikum aukist frá síðustu könnun, þó mismikið sé. Þetta skýrist að hluta með fylgistapi Samstöðu, flokks Lilju Mósesdóttur, frá síðustu könnun. Sjálfstæðisflokkurinn nýtur nú stuðnings 42,6 prósenta þeirra sem afstöðu taka til einhvers stjórnmálaflokks í könnun Fréttablaðsins. Könnunin var gerð dagana 11. og 12. apríl. Stuðningur við Sjálfstæðisflokkinn eykst verulega milli kannanna. Í könnun Fréttablaðsins og Stöðvar 2 sem gerð var fyrri hluta febrúar mældist flokkurinn með 35 prósent atkvæða. Aukning á fylgi flokksins er enn meiri sé litið til kjörfylgis hans í síðustu kosningum. Þá fékk flokkurinn 23,7 prósent atkvæða. Samkvæmt könnuninni hefur stuðningur við flokkinn aukist um nærri 19 prósentustig frá kosningunum 2009. Fengi Sjálfstæðisflokkurinn stuðning 42,6 prósenta kjósenda í kosningum myndi það skila flokknum 29 þingsætum. Það er næstum tvöföldun á þingstyrk flokksins, sem er með 16 þingmenn í dag. Samfylkingin bætir örlítið við fylgi sitt frá síðustu könnun, en er engu að síður með innan við helming af þeim stuðningi sem flokkurinn fékk í síðustu kosningum. Um 14,8 prósent segjast myndu kjósa flokkinn yrði gengið til kosninga nú. Í könnun Fréttablaðsins og Stöðvar 2 í febrúar mældist fylgið 12,3 prósent. Flokkurinn fékk 29,8 prósent atkvæða í síðustu kosningum.Þingstyrkur stjórnar helmingaður Samfylkingin fengi samkvæmt þessari niðurstöðu tíu þingmenn kjörna, helming þeirra 20 sem flokkurinn er með í dag. Framsóknarflokkurinn er nú svipaður að stærð og Samfylkingin, en nýtur þrátt fyrir það ekki jafn afgerandi fylgisaukningar og Sjálfstæðisflokkurinn. Um 14,6 prósent segjast myndu kjósa flokkinn nú, svipað hlutfall og í síðustu kosningum þegar flokkurinn fékk 14,8 prósent atkvæða. Í síðustu könnun mældist Framsóknarflokkurinn með 12,5 prósenta stuðning og aukningin um tvö prósentustig. Þessi stuðningur myndi skila flokknum níu þingmönnum, einum færri en hann er með í dag. Vinstri grænir eru hvergi nærri því að ná kjörfylgi sínu, og mælast aðeins með stuðning 8,6 prósenta kjósenda. Það er örlítil aukning frá síðustu könnun, þegar stuðningurinn mældist 8 prósent, en aukningin er innan skekkjumarka. Flokkurinn fékk 21,7 prósenta stuðning í síðustu kosningum, og hefur fylgið því dalað um 13,1 prósentustig. Vinsti grænir fengju samkvæmt þessu helming þess þingstyrks sem þeir eru með í dag, eða sex þingmenn kjörna.Ný framboð ná átta á þing Tvö ný framboð myndu ná mönnum á þing yrðu niðurstöður þingkosninga í samræmi við könnun Fréttablaðsins. Alls sögðust 7,2 prósent styðja Bjarta framtíð, sem er aukning um 1,1 prósentustig frá síðustu könnun. Flokkurinn fengi samkvæmt því fjóra þingmenn. Stuðningur við Samstöðu hrynur frá síðustu könnun. Þá mældist flokkurinn með 21,3 prósenta fylgi, en aðeins 6 prósent segjast myndu kjósa flokkinn nú. Það fylgi myndi duga til að ná fjórum mönnum á þing. Önnur framboð virðast ekki hafa náð hylli kjósenda. Hægri-grænir fengju atkvæði 2,3 prósenta kjósenda samkvæmt könnuninni. Dögun, sameiginlegt framboð Hreyfingarinnar, Borgarahreyfingarinnar, Frjálslyndra og fleiri, nýtur stuðnings 2,1 prósents kjósenda. Minnstur mælist stuðningur við Lýðfrelsisflokkinn, um 0,9 prósent. Nýju framboðin njóta samanlagt talsverðrar hylli meðal almennings, og fengju samtals 18,5 prósent atkvæða. Vegna þess hversu atkvæðin dreifast á marga flokka myndu þau skila þeim hlutfallslega fáum þingmönnum miðað við atkvæðamagn.Margir enn óákveðnir Enn er talsverður hluti kjósenda sem ekki gefur upp afstöðu til stjórnmálaflokka. Um tíu prósent þeirra sem hringt var í sögðust ekki hafa gert upp hug sinn. Um sextán prósent sögðust ekki ætla að kjósa, eða ætla að skila auðu. Um 20 prósent vildu ekki svara spurningunni.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ferðamannastaðir Færeyja lokaðir vegna viðhalds Erlent Tillagan „langt frá“ grundvallarkröfum Ísraela Erlent Alþjóðanemar neyðist til að vinna svart á Íslandi Innlent Bein útsending: Starliner ber geimfara til geimstöðvarinnar Erlent Kveðst ekki svindla á neinum með happdrætti sínu Innlent Sanngirnisbótafrumvarpið sé blekking Innlent Stóra stundin að renna upp: Bjartsýn en með báða fætur á jörðinni Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira