Töluvert líf á fasteignamarkaðinum

Töluvert líf var á fasteignamarkaðinum á höfuðborgarsvæðinu í síðustu viku. Alls var þinglýst 126 kaupsamningum en til samanburðar hefur 100 slíkum samnngum verið þinglýst að meðaltali á viku undanfarna þrjá mánuði.

Þetta kemur fram á vefsíðu Þjóðskrár Íslands. Þar segir að heildarveltan hafi numið tæplega 3,5 milljörðum kr. eða rúmlega 27 milljónum kr. á samning að meðaltali. Meðalveltan á viku síðustu þrjá mánuði er rétt rúmlega þrír milljarðar en meðalupphæð á samning er rúmlega 30 milljónir kr. á sama tímabili.