Hægir á landsframleiðslu Japans

Landsframleiðsla í Japan, þriðja stærsta hagkerfi heims á eftir Kína (2. sæti) og Bandaríkjunum (1. sæti), jókst um 0,3 prósent á öðrum ársfjórðungi þessa árs en á fyrsta ársfjórðungi jókst landsframleiðslan um eitt prósent. Sérfræðingar sem breska ríkisútvarpið BBC vitnar til segja að japanskt efnahagslíf gæti tekið dýfu á næstunni vegna óvissu í efnahagsmálum heimsins, ekki síst á evrusvæðinu. Slíkt ástand dregur úr fjárfestingu og heldur aftur af vexti.

Sjá má umfjöllun BBC um stöðu efnahagsmála í Japan hér.