Engin atvinnugrein á eins bágt og verslunin

Verslunarmenn auglýsa eftir talsmönnum verslunarinnar á Alþingi, segir Margrét Kristmannsdóttir, formaður Samtaka verslunar og þjónustu. Hún segir að verslun eigi engan talsmann í sölum Alþingis. „Það er engin atvinnugrein í landinu í dag sem á eins erfitt og verslunin og þetta er sú atvinnugrein sem stendur hvað verst," segir Margrét í samtali við Reykjavík síðdegis.

„Það sem er verst af öllu er að það er engin að beina sjónum sínum að þessari atvinnugrein. Þið heyrið það þegar þið eru að tala við stjórnmálamenn að það er yfirleitt verið að tala um allar aðrar atvinnugreinar en verslunina," segir Margrét.

Hún segir að vörugjöld og tollar séu lagðir á verslunina sem geri það að verkum að hún færist að hluta til úr landi. Engu að síður er þessi atvinnugrein að skapa hér 22 þúsund manns atvinnu. Og það er ekki lítið," segir hún. Hún segir að það eina sem verið sé að biðja stjórnmálamenn um að gera sé að komið sé eins fram við verslunarmenn hér á landi eins og gert er í öðrum löndum.