Tekjur Marels jukust um 15%

Marel hagnaðist um 34,5 milljónir evra, jafngildi 5,6 milljarða króna, á árinu 2011. Til samanburðar var hagnaður fyrirtækisins árið 2010 13,6 milljónir evra. Þetta kemur fram í ársuppgjöri fyrirtækisins sem var birt í fyrradag. Skýrist bætt afkoma helst af því að tekjur frá kjarnastarfsemi jukust um 15 prósent á árinu.

Á fjórða ársfjórðungi var hagnaður 15 milljónir evra samanborið við 5,5 milljónir árið 2010. Í fréttatilkynningu frá Marel kemur fram að lagt verður til á aðalfundi að hluthafar fái 0,95 evrur á hlut greiddar í arð fyrir rekstrarárið 2011. Heildararðgreiðsla verður því 6,9 milljónir evra.- mþl