Viðskipti innlent

Ríkiskaup gera 500 milljóna króna samning við Vörð

Við undirritun samningsins, fyrir hönd Varðar trygginga hf.: Guðmundur Jóhann Jónsson, forstjóri Varðar, og Atli Örn Jónsson, framkvæmdastjóri sölu- og þjónustusviðs Varðar, fyrir hönd Ríkiskaupa: Guðmundur Þór Guðmundsson, framkvæmdastjóri kirkjuráðs, og Júlíus S. Ólafsson, fyrrverandi forstjóri Ríkiskaupa.
Við undirritun samningsins, fyrir hönd Varðar trygginga hf.: Guðmundur Jóhann Jónsson, forstjóri Varðar, og Atli Örn Jónsson, framkvæmdastjóri sölu- og þjónustusviðs Varðar, fyrir hönd Ríkiskaupa: Guðmundur Þór Guðmundsson, framkvæmdastjóri kirkjuráðs, og Júlíus S. Ólafsson, fyrrverandi forstjóri Ríkiskaupa.
Ríkiskaup og Vörður tryggingar hf. hafa að undangengnu útboði gert samning um að Vörður brunatryggi allar fasteignir ríkisins, sem eru tæplega 1200 talsins víða um land. Samningurinn er til þriggja ára og er heildarvirði hans rúmar 500 milljónir kr., en samanlagt brunabótamat fasteigna ríkisins er um 230 milljarðar króna.

Í tilkynningu um málið segir Guðmundur Jóhann Jónsson, forstjóri Varðar, að þetta sé þetta stærsti einstaki tryggingasamningur félagsins til þessa og hefur hann mikla þýðingu fyrir Vörð.

„Þarna eru allar fasteignir ríkisins og má þar til dæmis nefna Alþingishúsið, allar byggingar Háskóla Íslands, spítalana, húsnæði ráðuneyta o.fl. Einnig má geta þess að Vörður tryggir nú þegar öll ökutæki ríkisins, Ríkisútvarpið og flugvellina í gegnum Isavia, svo þessi samningur Varðar og Ríkiskaupa um brunatryggingar er góð viðbót," segir Guðmundur Jóhann.



Mest lesið


Fleiri fréttir

Sjá meira


×

Mest lesið