Spá minnkandi verðbólgu á næstu mánuðum

Verðbólgan mun fara minnkandi á næstu mánuðum ef spá greiningar Íslandsbanka gengur eftir. Þegar í þessu mánuði mun verðbólgan minnka úr 6,4% og niður í 6,1%.

Fjallað er um málið í Morgunkorni greiningarinnar. Þar segir að í vor verði umskipti á verðbólguskoti sem staðið hefur linnulítið frá upphafi ársins í fyrra. Greining spáir því nú að verðbólgan muni hjaðna stöðugt allan yfirstandi ársfjórðung og verða komin niður í 5,5% í júní.

Það sem liggur að baki þessari spá er að aukið innstreymi gjaldeyri s frá ferðamönnum til landsins muni halda gengi krónunnar stöðugu, ef ekki styrkja það, eins og gerst hefur á undanförnum árum.

Greiningin segir að haldi krónan sjó munu áhrif af mikilli hækkun launa undanfarna 12 mánuði hjaðna jafnt og þétt, innflutt verðbólga verða lítil þar sem hrávöru- og orkuverð virðist hafa náð hámarki í bili og ekki sé útlit fyrir nýtt neyslufyllerí landsmanna. Því ætti verðbólgan að mælast 4,5% í árslok.