Opið hús næsta laugardag

Í grein á forsíðu fasteignablaðsins í dag misfórst í texta að opið hús væri í dag í íbúðum að Vatnsstíg 16-18. Hið rétta er að Stakfell fasteignasala er með opið hús næstkomandi laugardag, 28. apríl. Eru viðkomandi beðnir velvirðingar á þessu.

Eftirfarandi er réttur texti um íbúðirnar að Vatnsstíg:

Stakfell fasteignasala kynnir til sölu með opnu húsi á laugardaginn næstkomandi Vatnsstíg 16-18. Húsið er hæsta íbúðarhús á landinu og er gríðarlega gott útsýni út á sundin blá af öllum hæðum. Íbúðirnar afhendast fullbúnar án gólfefna, gólfplötur eru einangraðar til aukinnar hljóðeinangrunar. Gólf í baðherbergi og þvottahúsi verða flísalögð. Aðrir gólffletir í íbúðum afhendast án gólfefna. Hitalögn verður í gólfi á aðalbaðherbergi. Um er að ræða þægindahita en ekki upphitun. Full lofthæð í íbúðum verður um 2,7 metrar, nema þar sem eru niðurtekin loft. Allar innréttingar eru sérsmíðaðar af GKS með granít borðplötum og er hægt að velja um fjórar mismunandi áferðir. Eldhústækin eru frá Miele, span helluborð og Elica eyjuháfar. Efstu íbúðirnar eru með arni.