Reginn inn í úrvalsvísitöluna

Fasteignafélagið Reginn, sem skráð verður í Kauphöll Íslands þann 2. júlí næstkomandi, mun taka sæti Atlantic Petroleum í OMXI6-úrvalsvísitölunni þegar viðskipti hefjast með bréf félagsins.

Vísitalan er endurskoðuð tvisvar á ári en henni er ætlað að endurspegla hreyfingar með hlutabréf í Kauphöllinni. Skal hún á hverjum tíma vera samsett úr þeim sex félögum sem hafa mestan seljanleika í Kauphöllinni. Vægi félaga ræðst af flotleiðréttu markaðsvirði félaganna.

Með breytingunni verður vísitalan samsett úr bréfum Regins, Össurar, Marels, Haga, Icelandair Group og BankNordik.- mþl