Vöruskiptajöfnuður lækkar um 17 milljarða

Um 3,5 milljarða króna afgangur var á vöruskiptum í júlímánuði, samkvæmt bráðabirgðatölum Hagstofunnar. Útflutningur nam 48,6 milljörðum og innflutningur 45,1 milljarði.

Á fyrstu sex mánuðum ársins var um 31 milljarða afgangur af vöruskiptum við útlönd, en þá nam útflutningum um 313 milljörðum króna en innflutningur um 282 milljörðum.

Afgangur af vöruskiptum er um 17 milljörðum minni fyrstu sex mánuði ársins en hann var á sama tíma í fyrra en þá var 48,4 milljarða milljarða afgangur.