Icelandair lækkaði um 1,75 prósent - hækkanir erlendis

Gengi bréfa í Icelandair lækkaði um 1,75 prósent í dag og stendur gengi bréfa félagsins nú í 6,73. Mest var lækkunin þó hjá Bank Nordik en gengi bréfa færeyska bankans lækkaði um 2,86 prósent og er nú 68.

Gengi bréfa í Högum hækkaði um 0,55 prósent og er gengið nú 18,3. Þá lækkaði gengi Marels um 0,39 prósent og er gengið nú 139.

Heildarvelta í viðskiptum með hlutabréf í kauphöllinni í dag nam tæplega 108 milljónum, en nánari upplýsingar um gang mála á íslenska markaðnum má sjá hér.

Á alþjóðamörkuðum einkenndust hlutabréfamarkaðir af grænum tölum hækkunar. Þannig hækkaði DAX vísitalan þýska um 0,71 prósent og Nasdaq vísitalan í Bandaríkjunum um 0,87 prósent.