WOW air dregur saman seglin í vetur

WOW Air mun ekki fljúga til Kaupmannahafnar í vetur. Þá mun félagið aðeins fljúga tvisvar í viku til Lundúna. Ástæðan fyrir þessu er samdráttur í ferðalögum yfir vetrarmánuðina.

Fjallað er um málið vefsíðunni Túristi.

Haft er eftir Baldri Oddi Baldurssyni, framkvæmdastjóra WOW Air, að ekki sé markaður fyrir fleiri flug en nú er lagt upp með.

Félagið mun ekki fljúga til Kaupmannahafnar næsta mánuð. Þá verður ferðum félagsins til Lundúna fækkað niður í tvær á viku. Flogið verður til Gatwick flugvallar í Lundúnum í vetur en ekki Stansted líkt og gert hefur verið í sumar.

Auk ferðanna til Lundúna verður boðið upp á tvö flug í viku til Berlínar í allan vetur og til Alicante fram í lok október.