Bjóða eitt mesta úrvalið af hillum og skápum

Um 1.250 fyrirtæki á Íslandi nota lausnir frá okkur,“ segir Thomas Möller, verkfræðingur og framkvæmdastjóri fyrirtækisins. „Við erum með þá sérstöðu að fyrirtækin hafa samanlagt yfir 100 ára reynslu af ráðgjöf og sölu á hillukerfum, lagerlausnum, flutningatækjum og lyfturum.“ Thomas tekur fram að nauðsynlegt sé að ráðgjöfin nái yfir allar lausnir sem lagerinn þurfi og tengi þær saman. Til dæmis verði að taka fullt tillit til þess hvaða lyftaratækni sé notuð þegar hillukerfið sé valið. 

Fyrirtækið er með sýningarsal að Brautarholti 26 í Reykjavík

Þar er fyrirtækið með tvo sýningarsali, lager, skrifstofur og verkstæði. Alls starfa níu manns hjá fyrirtækinu, allir með langa reynslu á þessu sviði. Flestir starfsmanna hafa starfað hjá fyrirtækjum sem nota hillukerfi, skjalaskápa og lyftara og þekkja því báðar hliðar þessarar tækni.

Saman bjóða fyrirtækin nú enn betri þjónustu og stærra vöruval en áður

RÍ og Rými býður heildarlausnir fyrir verslanir, vörugeymslur, skjalageymslur, iðnfyrirtæki, verkstæði, fiskiðnaðinn, hótel, bókasöfn, skrifstofur, sveitarfélög og skóla ásamt víðtækum lausnum í aðgengismálum fyrir fólk með hreyfihömlun.

Allur pakkinn á einum stað!

RÍ og Rými býður þannig heildarlausnir á öllum sviðum geymslumála, þar með talið ráðgjöf, hönnun, smíði, uppsetningar, viðgerðir og fyrirbyggjandi viðhald varðandi allar vörur og lausnir sem það selur.

Í vörulista fyrirtækisins er að finna hillu- og rekkakerfi fyrir allar vörur, verslunarhillur fyrir allar verslanir, starfsmanna- og munaskápa, verkfæraskápa og varahlutahillur svo og allar tegundir rafmagnslyftara og brettatjakka auk flutningatækja til innanhússflutninga og vörudreifingar. 

Einnig eru til sölu hjá RÍ og Rými úrval af vörulyftum, sjálfvirkar hurðir og rafknúnar hurðarpumpur auk iðnaðarhurða og hurðaopnara fyrir verslanir og iðnfyrirtæki.

Fyrirtækið sérhæfir sig auk þess í hvers kyns hillum og skápum fyrir skjöl og önnur verðmæti. Það býður skjalaskápa af öllum stærðum, skjalakerfi og skjalavörslumöppur, eldtrausta skápa fyrir skjöl og muni.