Veritas hagnaðist um 755 milljónir í fyrra

Veritas Capital hagnaðist um 755 milljónir króna í fyrra og eigið fé félagsins nam tæpum fjórum milljörðum króna um síðustu áramót. Alls seldi fyrirtækið vörur fyrir 13,7 milljarða króna. Hagnaður Veritas á árinu 2010 var 1,1 milljarður króna. Samanlagt hefur fyrirtækið því hagnast um tæpa tvo milljarða króna á tveimur árum.

Alls eiga þrettán hluthafar jafnan 7,6 prósenta hlut í Fastusi ehf. Félagið hefur ekki skilað ársreikningi fyrir árið 2011 en árið á undan hagnaðist það um 106,2 milljónir króna.

Veritas Capital, sem selur m.a. lyf og lækningatæki, er í eigu Stormtrés ehf. (75 prósent) og Ares fjárfestingafélags (25 prósent). Eigendur Stormtrés eru Hreggviður Jónsson (82 prósent) og Jóhann Arngrímur Jónsson (12 prósent). Eigandi Ares fjárfestingafélags er Straumborg ehf. (80,44 prósent), fjárfestingafélag að mestu í eigu Jóns Helga Guðmundssonar og barna hans, og Trausttaks ehf. (19,56 prósent), félags í eigu Gunnars Þórs Benjamínssonar og Jóhönnu Linnet.