Sextíu milljóna króna verkefni

Datamarket er meðal þátttakenda í stóru rannsókna- og þróunarverkefni sem leitt er af Tækniháskólanum í Berlín og fjármagnað að stórum hluta af sjöundu rammaáætlun Evrópusambandsins.

Verkefnið snýr að því að samræma aðgang að gagnasöfnum og tengja þau saman, einkum þau sem tengjast efnahagsmálum Evrópuríkja. Datamarket mun afla og miðla tölulegum gagnasöfnum, þar á meðal hagtölum og gengisupplýsingum og myndrænni framsetningu þeirra. Verkefnistíminn er tvö ár og nemur fjármögnun ESB tæpum tveimur milljónum evra eða um 315 milljónum króna. Datamarket fær 60 milljónir króna.- sv