Laugin opnuð aftur á morgun

Laugardalslaugin verður opnuð aftur fyrir sundlaugargestum á morgun, sumardaginn fyrsta, eftir að hafa verið lokuð í nokkra daga vegna endurbóta.

Endurbæturnar hafa staðið yfir í nokkurn tíma, en hægt var að halda lauginni opinni svo til allan tímann. Á meðan laugin var lokuð voru heitir pottar tæmdir og málaðir, nuddpottur tengdur og nýju öryggishandriði komið fyrir við laugina, að því er fram kemur á vef Reykjavíkurborgar. Tæma þurfti laugina vegna endurbótanna, og var tækifærið notað til að þrífa hana rækilega. - bj