Hagnaðarhlutfall sjávarútvegs lakara árið 2010

Sjávarútvegur Hagnaður sjávarútvegsfyrirtækja á árinu 2010 var 19,8 prósent af heildartekjum sé miðað við árgreiðsluaðferð. Hagnaður fyrir afskriftir, fjármagnskostnað og tekjuskatt var 28,9 prósent af heildartekjum. Þetta kemur fram í nýjasta eintaki Hagtíðinda Hagstofunnar.

Hagnaðarhlutfall í sjávarútvegi dróst því örlítið saman milli áranna 2009 og 2010. Árið 2009 voru sömu hlutföll 22 prósent og 31 prósent.

Þá kemur fram í Hagtíðindum að heildareignir sjávarútvegs í árslok 2010 voru 559 milljarðar króna en heildarskuldir 500 milljarðar. Þá lækkuðu skuldir um 59,2 milljarða á árinu 2010. - mþl