HS Orka hagnast um rúman milljarð

HS Orka hagnaðist um rúman milljarða króna á fyrstu níu mánuðum ársins. Þetta kemur fram í uppgjöri sem félagið hefur sent til Kauphallarinnar.

Staða HS Orku samkvæmt uppgjörinu er góð en eiginfjárhlutfall félagsins er um 50%. Hinsvegar hafa tekjur HS Orku minnkað um 11% á tímabilinu m.v. sama tímabil í fyrra og námu tæpum 5 milljörðum króna. Munar þar mestu um lækkanir á heimsmarkaðsverði á áli. Á móti hefur rekstrarkostnaður lækkað um 12% miðað við sama tímabil í fyrra.