Staða ríkissjóðs er áfram betri en í fyrra

Staða ríkissjóðs heldur áfram að batna. Greiðsluuppgjör sjóðsins fyrir fyrstu tíu mánuði ársins liggur nú fyrir. Handbært fé frá rekstri batnaði á milli ára og var neikvætt um 37 milljarða kr. samanborið við 58,9 milljarða kr. á sama tímabili í fyrra.

Þetta kemur fram á vefsíðu stjórnarráðsins. Þar segir að tekjur reyndust 41,1 milljarði kr. hærri en í fyrra á meðan að gjöldin jukust um 15,6 milljarða kr. milli ára.

Þetta er betri niðurstaða en gert var ráð fyrir í áætlunum þar sem gert var ráð fyrir að handbært fé frá rekstri yrði neikvætt um rúmlega 56 milljarða kr.