Kauphöllin opnar aftur fyrir viðskipti með bréf ÍLS

Kauphöll Íslands tilkynnti nú rétt eftir klukkan eitt að opnað yrði fyrir pörun viðskipta með öll skuldabréf Íbúðalánasjóðs en íbúðabréf voru færð á Athugunarlista. Uppboð hefst kl. 13.40 að íslenskum tíma og samfelld viðskipti tíu mínútum seinna. Skuldabréfin voru færð á athugunarlista vegna óvissu um verðmyndun skuldabréfanna.

Lokað var fyrir viðskipti með bréf Íbúðalánasjóðs í morgun eftir að Sigríður Ingibjörg Ingadóttir, formaður velferðarnefndar Alþingis, sagði að breyta þyrfti skilmálum á skudabréfum sjóðsins þannig að þau yrðu uppgreiðanleg.