Einn stjórnenda IBM heldur fyrirlestur í HR

Einn af leiðtogum IBM, Sandy Carter, heldur fyrirlestur í Háskóla Reykjavíkur í hádeginu í dag. Hún er hér á landi á vegum Nýherja og mun fjalla um það hvers vegna samfélagsmiðlar eru mikilvægir til framtíðar.

Sandy Carter frá IBM, metsöluhöfundur og frumkvöðull í samfélagsmiðlun, mun fjalla um hvernig fyrirtæki og stofnanir geta nýtt sér samfélagsmiðla og svara fyrirspurnum um efnið.

Samfélagsmiðlar hafa gjörbreytt net- og samskiptanotkun heilu kynslóðanna á afar skömmum tíma. Slíkir miðlar hafa átt þátt í að ögra og jafnvel kollvarpa stjórnvöldum, aukið upplýsingaflæði og fært valdið nær fólki í mörgum tilfellum eins og dæmin sanna. Nú vilja fyrirtæki nýta sér þessa byltingarkenndu tækni í þágu rekstrar um leið og kynslóðir sem alast upp við samfélagsmiðla fara senn að láta til sín taka á vinnumarkaði.

Fyrirlesturinn hefst klukkan 12:10-13:00. Frítt er inn á erindið en skráning nauðsynleg. Eins og fyrr segir fer fyrirlesturinn fram í HR.