Sterk rök fyrir aðskilnaði viðskipta- og fjárfestingabanka

„Ýmislegt mælir með aðskilnaði viðskiptabanka frá annarri fjármálaþjónustu og erfitt er að benda á haldbær rök gegn slíkum aðskilnaði," segir Guðmundur Örn Jónsson, sérfræðingur Fjármálaeftirlitsins á sviði greininga, í grein um aðskilnað viðskiptabanka- og fjárfestingabankastarfsemi, sem birtist í Fjármálum, vefriti eftirlitsins í morgun.

Í greininni fjallar Guðmundur Örn um vinnu hinnar svokölluðu Vickers-nefndar þar sem útfærðar voru tillögur um hvernig væri hægt að aðskilja viðskipta- og fjárfestingabankastarfsemi, með það fyrir augum að takmarka hættu hins opinbera af bankastarfsemi.

„Hefur bönkum þannig reynst örðugt að færa rök fyrir yfirlýsingum sínum um að aðskilnaðurinn leiði til minni tekjumöguleika og minnkandi samkeppnishæfni. Íslenskir alþingismenn, bæði í stjórn og stjórnarandstöðu, hafa jafnframt lýst vilja sínum til að slíkur aðskilnaður verði þannig að nokkrar líkur verður að telja að til hans komi þótt útfærslan sé enn óljós," segir Guðmundur Örn í lokorðum sínum í greininni.

Sjá má grein Guðmundar í fjármálum hér.