Frakkar kaupa Hamleys fyrir rúma 11 milljarða

Slitastjórn Landsbankans hefur selt leikfangaverslunina Hamleys til franska félagsins Group Ludendo fyrir 60 milljónir punda eða rúma 11 milljarða króna.

Group Ludendo á og tekur 300 leikfangaverslanir í Frakklandi, Spáni, Belgíu og Sviss.

Fjallað er um söluna á vefsíðu BBC en þar er haft eftir Jean-Michel Grunberg stjórnarformanni Ludendo að þeir beri mikla virðingu fyrir Hamleys sem vörumerki og sögu verslunarinnar.

Með kaupunum ætli Ludendo að auka umsvif sín á alþjóðavettvangi en Hamleys veiti þeim aðgang að breska leikfangamarkaðinum sem og Asíu mörkuðum og verslunum í Mið Austurlöndum.

Hamleys var áður í eigu Baugs sem keypti leikfangaverslunina upphaflega árið 2003 og borgaði þá 59 milljónir punda fyrir hana. Hamleys rekur átta leikfangaverslanir á Bretlandseyjum og á Írlandi auk fjölda annarra verslana víða um heiminn.