Icelandic Group fær vottun MSC

Icelandic Group hefur fengið vottun Marine Stewardship Council (MSC) fyrir allar afurðir úr þorsk og ýsu frá Íslandi.

Vottunin tekur til afla á þorski og ýsu úr öllum veiðarfærum; trolli, snurvoð, netum línu og krókum. Um er að ræða 177 þúsund tonn af þorski og 45 þúsund tonn af ýsu á yfirstandandi fiskveiðiári.

Í kjölfar vottunarinnar mun allur þorsk- og ýsuafli af Íslandsmiðum fá heimild til9 að bera vottunarmerki MSC.

MSC - staðallinn er sá víðtækasti og virtasti í heiminum yfir sjálfbærar fiskveiðar sem byggja á vísindalegri ráðgjöf.

„Þetta er afar ánægjulegt," segir Lárus Ásgeirsson, forstjóri Icelandic Group. „Ekki eingöngu fyrir fyrirtækið, heldur er þetta viðurkenning á þeim árangri sem náðst hefur við stjórn fiskistofna hér á landi."

Icelandic Group er alþjóðlegt fyrirtæki með sjö áratuga sögu í Íslenskum sjávarútvegi. Fyrirtækið framleiðir og selur ferskt sjávarfang. Þá hefur vöruþróun verið efld á sviði flóknari og virðisaukandi fiskmáltíða fyrir smásölumarkað.

Félagið er með starfsemi á Íslandi, í Evrópu og Asíu. Heildarvelta af þessari starfsemi nam um 87 milljöruðm á síðasta ári. Alls starfa um 1.600 manns hjá fyrirtækinu.

Marine Stewardship Council er sjálfseignarstofnun sem rekin er án hagnaðarstjónarmiða til að kynna sjálfbærar fiskveiðar með umhverfismerki sem vottar að sjálfbærar veiðar.