Iceland Express þriðja besta lággjaldaflugfélagið í Danmörku

Iceland Express lenti í þriðja sæti í kjörinu um besta lággjaldaflugfélagið í Danmörku þegar úrslit Danish Travel Awards voru kynnt í gær. Sigurvegarinn var Danish Air Transport og Norwegian fékk silfrið. Þetta kemur fram á vefnum Túristi.is.

Þar er haft eftir aðstandendum verðlaunanna að hátt í fjórtán hundruð neytendur greiddu atkvæði og fjöldi fólks sem vinnur í dönsku ferðaþjónustunni. Meðal lággjaldaflugfélaga sem fljúga til Danmerkur en komust ekki á lista þeirra bestu eru easyJet, Ryanair, Vueling, Wizz Air og Airberlin sem var efst á blaði í fyrra.