MS styrkir útflutningsmöguleikana

Ný staða verkefnisstjóra vöruþróunar hefur verið sköpuð hjá Mjólkursamsölunni. Breytingarnar eru m.a. þáttur í að styrkja framleiðslu á skyri með aukinn útflutning í huga.

Einar Sigurðsson, forstjóri MS, segir að mikilvægt sé að skapa möguleika fyrir aukinn útflutning á unnum mjólkurvörum eins og skyri. Mjólkursamsalan hafi verið að hasla sér völl á erlendum markaði, einkum í Bandaríkjunum og Evrópu. Góður árangur hafi náðst og nú ríði á að styrkja útflutningsmöguleikana enn frekar.