Viðskipti með atvinnuhúsnæði jukust um 3 milljarða

Viðskipti með atvinnuhúsnæði á höfuðborgarsvæðinu jukust um rúma 3 milljarða kr. milli mars og apríl s.l. Kaupsamningum fækkaði hinsvegar töluvert.

Þetta kemur fram á vefsíðu Þjóðskrár. Þar segir að alls var 58 kaupsamningum og afsölum þinglýst í apríl og var heildarfasteignamat seldra eigna rétt rúmlega 9 milljarðar kr. Í mars var matið hinsvegar tæplega 6 milljarðar kr. í 58 kaupsamningum og afsölum.

Fram kemur að utan höfuðborgarsvæðisins var selt atvinnuhúsnæði fyrir 631 milljón kr. í apríl. Þetta er nokkuð minna en í mars þegar salan nam 808 milljónum kr.