Landsbréf fá auknar starfsheimildir hjá FME

Fjármálaeftirlitið (FME) hefur veitt Landsbréfum auknar starfsheimildir sem rekstrarfélag verðbréfasjóða á grundvelli laga um fjármálafyrirtæki.

Greint er frá þessu á vefsíðu FME. Þar segir að Landsbréf hf. (áður Rós Invest hf.) fékk upphaflega starfsleyfi þann 12. júní 2009 á grundvelli sömu laga. Starfsleyfi Landsbréfa var svo endurútgefið þann 11. september 2012 með tilliti til aukinna starfsheimilda, sem felast í eignastýringu samkvæmt lögum um fjármálafyrirtæki.

Starfsleyfi Landsbréfa tekur nú til reksturs verðbréfasjóða og annarra sjóða um sameiginlega fjárfestingu og til eignastýringar og fjárfestingarráðgjafar samkvæmt lögum um fjármálafyrirtæki.