Ísland í samstarf með Alþjóðabankanum

Össur Skarphéðinsson, utanríkisráðherra, upplýsti um það á fundi um klasastjórnun á vegum ráðgjafafyrirtækisins Gekon, í morgun, að íslensk stjórnvöld hefðu náð samkomulagi við Alþjóðabankann um að vera bankanum til ráðgjafar á sviði jarðhitaverkefna í Afríku. „Sú mikla þekking sem til er hjá Íslendingum getur skipt sköpum fyrir orkusnauð svæði sem glíma við fátækt. Samstarfið við Alþjóðabankann, sem hefur mikinn fjárhagslegan styrk, er því afar mikilvægt og ánægjulegt," sagði Össur.

Össur sagðist enn fremur vonast til þess að íslensk stjórnvöld gætu mótað stefnu sína á sviði þróunaraðstoðar með þessu samstarfi við Alþjóðabankann, þar sem augljóst væri að þekking Íslendinga á sviði jarðhita gæti skipt sköpum fyrir mörg ríki sem glímdu við orkuskort. „Á þessu sviði eru mikil tækifæri," sagði Össur.

Ráðstefna um klasa, á vegum Gekon, hófst í morgun á Hótel Nordica. Gekon hefur unnið að kortlagningu og framgangi íslenska jarðhitaklasans, sem er samstarfsvettangur fyrirtækja og opinberra stofnanna á sviði jarðhita. Hákon Gunnarsson, er stofnandi og framkvæmdastjóri Gekon.