Rússar í hart vegna netaveiði Norðmanna á laxi Svavar Hávarðsson skrifar 25. september 2012 15:42 Árni Baldursson með fallegan lax úr Yokanga ánni á Kólaskaga Ríkisstjóri Múrmansk-héraðs í Rússlandi hefur ákveðið að vísa ágreiningi um laxveiðar Norðmanna í net á hafsvæði undan ströndum Finnmerkur til öryggisráðs Rússlands. Samningaviðræður Norðmanna og Rússa síðastliðin tvö ár hafa engan árangur borið, og því er þessi leið nú valin. Öryggisráðið er forsetanum til ráðuneytis um öryggi ríkisins og skipað ráðherrum og fleiri háttsettum embættismönnum. Ríkisstjórinn, Marína Kovtun, boðaði vegna þessa Orra Vigfússon, formann NASF, Verndarsjóðs villtra laxastofna, nýlega á fund á Kólaskaga þar sem þau ræddu ítarlega um hrun laxastofnsins í N-Atlantshafi. Ríkisstjórinn sagði eftir fundinn að meira en hundrað rússneskar laxveiðiár á svæðinu væru mikilvægar ferðaþjónustu Rússlands og að sögn Orra er það skoðun ríkisstjórans að ótækt sé að laxanet Norðmanna skaði laxastofninn. Á milli 60–70% af þeim laxi sem veiddur er í netin eru hinn verðmæti vorlax sem stendur undir meginhrygningunni í rússneskum ám á þessum slóðum, að sögn Orra. Bent hefur verið á að veiðar Norðmanna séu brot á 66. grein Hafréttarsáttmála Sameinuðu Þjóðanna, en alþjóðleg nefnd vísindamanna hefur staðfest að laxinn sem um ræðir sé af rússneskum uppruna. Þess utan hefur Nils Pettersen, formaður norskra veiðiréttareigenda, sagt að ef netaveiðar Norðmanna verði aflagðar hefði það góð áhrif á norskar laxveiðiár en ástand þeirra margra er bágborið. svavar@frettabladid.is Stangveiði Mest lesið Lokatölur úr Veiðivötnum Veiði Sjóstangaveiði sífellt vinsælli Veiði Heldur minni gæsaveiði í haust Veiði Ágæt veiði í opnun Veiðivatna þrátt fyrir kulda og trekk Veiði Veiðar hefjast í Þjórsá 1. júní Veiði Jöfn veiði í Norðurá og Blöndu Veiði Frábær opnun í Jöklu Veiði Vorveiðin gengur vel á veiðisvæðum Hreggnasa Veiði Boltar í hamslausu Tungufljóti Veiði Sala veiðileyfa mjög góð hjá Hreggnasa Veiði
Ríkisstjóri Múrmansk-héraðs í Rússlandi hefur ákveðið að vísa ágreiningi um laxveiðar Norðmanna í net á hafsvæði undan ströndum Finnmerkur til öryggisráðs Rússlands. Samningaviðræður Norðmanna og Rússa síðastliðin tvö ár hafa engan árangur borið, og því er þessi leið nú valin. Öryggisráðið er forsetanum til ráðuneytis um öryggi ríkisins og skipað ráðherrum og fleiri háttsettum embættismönnum. Ríkisstjórinn, Marína Kovtun, boðaði vegna þessa Orra Vigfússon, formann NASF, Verndarsjóðs villtra laxastofna, nýlega á fund á Kólaskaga þar sem þau ræddu ítarlega um hrun laxastofnsins í N-Atlantshafi. Ríkisstjórinn sagði eftir fundinn að meira en hundrað rússneskar laxveiðiár á svæðinu væru mikilvægar ferðaþjónustu Rússlands og að sögn Orra er það skoðun ríkisstjórans að ótækt sé að laxanet Norðmanna skaði laxastofninn. Á milli 60–70% af þeim laxi sem veiddur er í netin eru hinn verðmæti vorlax sem stendur undir meginhrygningunni í rússneskum ám á þessum slóðum, að sögn Orra. Bent hefur verið á að veiðar Norðmanna séu brot á 66. grein Hafréttarsáttmála Sameinuðu Þjóðanna, en alþjóðleg nefnd vísindamanna hefur staðfest að laxinn sem um ræðir sé af rússneskum uppruna. Þess utan hefur Nils Pettersen, formaður norskra veiðiréttareigenda, sagt að ef netaveiðar Norðmanna verði aflagðar hefði það góð áhrif á norskar laxveiðiár en ástand þeirra margra er bágborið. svavar@frettabladid.is
Stangveiði Mest lesið Lokatölur úr Veiðivötnum Veiði Sjóstangaveiði sífellt vinsælli Veiði Heldur minni gæsaveiði í haust Veiði Ágæt veiði í opnun Veiðivatna þrátt fyrir kulda og trekk Veiði Veiðar hefjast í Þjórsá 1. júní Veiði Jöfn veiði í Norðurá og Blöndu Veiði Frábær opnun í Jöklu Veiði Vorveiðin gengur vel á veiðisvæðum Hreggnasa Veiði Boltar í hamslausu Tungufljóti Veiði Sala veiðileyfa mjög góð hjá Hreggnasa Veiði