Greining spáir 25 punkta hækkun

Greining Íslandsbanka og Greiningadeild Arion banka spá því að Seðlabankinn muni hækka stýrivexti sína um 0,25 prósentustig á næsta vaxtaákvörðunarfundi, sem verður 14. nóvember næstkomandi.

Greining Íslandsbanka segir að meginforsenda hækkunarinnar muni vera dekkri verðbólguhorfur í ljósi þróunar gengis krónunnar undanfarið. Á móti vegi að heldur hægi nú á vexti innlendrar eftirspurnar og að verðbólguþróunin undanfarið hafi verið öllu hagfelldari en gert var ráð fyrir í síðustu spá Seðlabankans, sem er frá því í ágúst síðastliðnum.