Mikil hækkun í Skjálfandafljóti

Fréttir berast norðan heiða um að útboð á veiðirétti í A-deild Skjálfandafljóts sé yfirstaðið. Tilboð barst frá óstofnuðu félagi sem hækkar leigugreiðsluna um rúmlega 100%.

Samkvæmt útboðsgögnum var óskað eftir tilboðum í lax- og silungsveiði á starfssvæði félagsins árin 2012 til 2015 að báðum árum meðtöldum. Um er að ræða sex laxveiðistangir og tíu silungastangir.

Samkvæmt staðfestum heimildum bárust nokkuð há tilboð í veiðiréttinn, þar á meðal eitt sem hljóðaði upp á 13.6 milljónir króna. Fyrrum leigutakar greiddu um 6 milljónir fyrir veiðiréttinn í fyrra, þannig að nýtt tilboð tvöfaldar leigutöluna - og vel rúmlega það.

Birt með góðfúslegu leyfi SVFR