Slitastjórn Landsbankans stefnir bankaráði og stjórnendum

Slitastjórn Landsbankans hefur ákveðið að stefna fjórum fyrrum bankaráðsmönnum Landsbankans og bankastjórunum Sigurjóni Þ. Árnasyni og Halldór J. Kristjánssyni og krafist 34 milljarða króna vegna aðgerða sem gripið var til rétt áður en bankinn var tekinn yfir af FME 7. október 2008.

Aðrir stefndu eru Kjartan Gunnarsson, Þorgeir Baldursson, Svava Grönfeldt og Andri Sveinsson. Björgólfi Guðmundssyni, fyrrum bankaráðsformanni, er ekki stefnt þar sem hann er gjaldþrota og ekkert fé til hans að sækja.

Hluta stefndu var birt stefnan í málinu í dag en ekki öllum. Slitastjórn Landsbankans vildi ekki tjá sig efnislega um málið á meðan ekki væri búið að birta öllum stefnu í málinu.

Nánar verður fjallað um málið í kvöldfréttum Stöðvar 2.