20 punda urriði á Þingvöllum

Mikal Wajitas, sem kom til landsins gagngert til að veiða urriða í Þingvallavatni, landaði einum 20 punda um helgina. Sagt er frá þessu á vef Veiðikortsins.

„Það er búið að vera mikið um fallega fiska í þjóðgarðinum síðustu daga," segir á vef Veiðikortsins. „Við höfum heyrt að tugum fallegra urriða sem hafa veiðst þrátt fyrir að kuldinn hafi verið að hrella veiðimenn þegar líða tekur á daginn."

Wajtas og félagar hans fengu marga fallega fiska þá daga sem þeir voru við veiðar. Einn fiskur stóð þó upp úr en það var urriði sem vó 9,2 kíló eða um 20 pund. Sannkallaður risaurriði sem fékk að synda áfram sína leið eftir að hafa setið fyrir á mynd.