Veltan eykst í sölu á atvinnuhúsnæði

Í júní s.l. var 54 kaupsamningum og afsölum þinglýst um atvinnuhúsnæði á höfuðborgarsvæðinu og 33 utan þess.

Heildarfasteignamat seldra eigna á höfuðborgarsvæðinu var tæplega 6 milljarðar króna en 619 milljónir króna utan þess. Af þessum samningum voru 27 um verslunar- og skrifstofuhúsnæði á höfuðborgarsvæðinu.

Þetta kemur fram á vefsíðu Þjóðskrár Íslands. Þetta er töluverð aukning á veltunni frá maí mánuði þó samningum hafi fækkað. Í maí var 63 skjölum kaupsamningum og afsölum um atvinnuhúsnæði á höfuðborgarsvæðinu þinglýst og 54 utan þess.

Heildarfasteignamat seldra eigna á höfuðborgarsvæðinu í maí var tæplega 2,2 milljarðar króna en tæplega 1,5 milljarðar króna utan þess.