Minnsta atvinnuleysi frá hruni

Atvinnuleysi mældist 4,7% í júlí samkvæmt tölum Vinnumálastofnunar en að meðaltali voru 8.372 atvinnulausir. Atvinnuleysi hefur ekki mælst minna frá því í nóvember 2008 þegar það var 3,3%.

Atvinnulausum fækkaði um 332 að meðaltali milli mánaða eða um 0,1 prósent. Vinnumálastofnun gerir hins vegar ráð fyrir að atvinnuleysi í ágúst aukist lítilsháttar og verði á bilinu 5,6% - 6%.

Atvinnuleysi mælist iðulega lægra hjá Vinnumálastofnun heldur en Hagstofunni. Vinnumálastofnun miðar tölur sínar við hversu margir eiga rétt á atvinnuleysisbótum. Hagstofan miðar aftur á móti við fjölda þeirra sem eru í atvinnuleit.