Valitor vísitalan hækkaði um 5,2% milli ára í maí

Valitor vísitalan hækkaði um 5,2% í maí s.l. samanborið við maí í fyrra. Valitor birtir mánaðarlega samanburð á veltutölum milli ára sem sýna breytingar á tilteknu tímabili á notkun íslenskra Visa kreditkorta.

Í tilkynningu segir að í maí varð heildarveltuaukning á Visa kreditkortaviðskiptum um 5,2% ef miðað við maí í fyrra. Notkun innanlands jókst um 4,3% en erlendis var veltuaukningin tæp 9,8%. Tímabilið sem miðað er við, er frá 22. apríl til 21. maí.

Valitor vísitalan er tekin saman af starfsfólki Valitor og byggist á veltutölum úr kerfum fyrirtækisins. Til grundvallar eru lagðar upplýsingar um þróun á veltu Visa kreditkorta á tilteknu tímabili á nafnvirði. Vert er að benda á að Valitor vísitalan er einungis birt í upplýsingaskyni.