OR vill selja sitt Magmabréf að verðmæti 8,3 milljarðar

Orkuveita Reykjavíkur (OR) leitar nú að kaupenda að skuldabréfi sem fyrirtækið fékk frá Magma Energy þegar Orkuveitan seldi hlut sinn í HS Orku árið 2009. Skuldabréfið er tæplega 68 milljóna dollara virði eða sem svarar til 8,3 milljarða króna.

Þetta kemur fram í tilkynningu til Kauphallarinnar. Þar segir að vegna hugsanlegra breytinga á eignarhaldi HS Orku, sem tilkynnt var um í lok júní hefur Orkuveitan ákveðið að kanna hvort viðunandi verð bjóðist fyrir skuldabréfið en það er með gjalddaga í árslok árið 2016.

Hlutabréf Magma í HS Orku standa að veði fyrir greiðslum af bréfinu.