Baldur kærir til Mannréttindadómstóls Evrópu

Baldur Guðlaugsson hefur áfrýjað dómi Hæstaréttar Íslands til Mannréttindadómstóls Evrópu. Í yfirlýsingu sem barst frá lögmannsstofunni Lex fyrir hönd Baldurs eru tilgreind fimm atriði sem Baldur telur að standist ekki.

Meðal annars heldur Baldur því fram að hann hafi ekki notið réttmætrar málsmeðferðar þar sem rannsókn á máli hans var felld niður og svo framhaldið síðar.

Þá heldur Baldur því einnig fram að það leiki verulegur vafi á því að mál hans hafi í raun notið óvilhallrar meðferðar fyrir dómi.

Baldur var dæmdur í tveggja ára óskilorðsbundið fangelsi í Hæstarétti.

Hægt er að lesa yfirlýsinguna hér fyrir neðan.