S&P: Lánshæfiseinkunn Íslands óbreytt með stöðugum horfum

Matsfyrirtækið Standard & Poor's (S&P) hefur staðfest lánshæfiseinkun ríkissjóðs í BBB- með stöðugum horfum. Einkunnin hefur verið með stöðugum horfum síðan í nóvember í fyrra.

Í áliti Standard & Poor's segir m.a. að innviðir stofnanna á Íslandi séu sterkir og að þótt skuldir hins opinbera séu enn miklar hafi þær farið minnkandi að undanförnu og býst matsfyrirtækið við að sú þróun haldi áfram.

Þá gerir Standard & Poor's ráð fyrir að hagvöxtur verði 2 til 3% á ári fram til 2015.

Helsti áhættuþátturinn að mati Standard & Poor's, sem gæti lækkað einkunnina, er aflétting gjaldeyrishaftanna á næstu árum.