Hætta að gefa út Newsweek á prenti

Strax á næsta ári verður hætt að gefa Newsweek út í prentuðu formi, eftir áttatíu ára útgáfu. Síðasta tölublaðið mun koma út 31. desember í Bandaríkjunum.

Washington Post seldi kaupsýslumanninum Sidney Harman Newsweek árið 2010 fyrir eina milljón bandaríkjadala, eða um 125 milljónir króna. Harman tók auk þess yfir skuldir blaðsins.

Ástæða þess að hætt verður að gefa Newsweek út á prenti er síaukin áhersla á fréttaumfjöllun og fjölmiðlun á netinu og í stafrænum miðlum.

Sjá umfjöllun um Newsweek á vef USA Today.