WOW air flýgur til Salzburg í Austurríki

WOW air áformar áætlunarflug til Salzburg í Austurríki næsta vetur í samvinnu við tvær íslenskar ferðaskrifstofur. WOW air áætlar að hefja flug til Salzburg seinni hluta desember nk. og fljúga þangað vikulega á laugardögum fram til loka febrúar.

Salzburg er staðsett við norðurhluta Alpanna og því mjög nálægt helstu skíðasvæðum Austurríkis. Salzburg er afar fögur borg og gamli hluti hennar er á minjaskrá Unesco. Salzburg hefur ríka tónlistarhefð en þar fæddist tónskáldið Wolfgang Amadeus Mozart.

WOW air mun hefja áætlunarflug sitt í byrjun júní og verður þá flogið til 14 borga í Evrópu. Flugfloti WOW air samanstendur af tveimur Airbus A320 flugvélum sem eru 168 sæta. Vélarnar eru með auknu sætarými og fótaplássi fyrir farþega. Vélarnar eru leigðar frá félaginu Avion Express.