Titringur vegna nauðasamninga - fundað með forsetanum Magnús Halldórsson skrifar 9. nóvember 2012 18:30 Skorað hefur verið á Ólaf Ragnar Grímsson, forseta Íslands, að beita sér gegn því að nauðasamningar við kröfuhafa í þrotabú Kaupþings og Glitnis verði samþykktir. Hópur starfsmanna í fjármálageiranum óttast að útgreiðsla á hundruðum milljarða í erlendri mynt, geti grafið undan gjaldeyrisstöðu þjóðarbússins og valdið miklu efnahagstjóni. Stærstu kröfuhafarnir í bú Kaupþings og Glitnis eru vogunarsjóðir, sem keyptu kröfur í búin á slikk eftir fall bankanna, og vilja nú fá greitt úr búnum allt laust fé, sem er yfir 700 milljarðar, þar af mest í erlendri mynt. Hópur starfsmanna í fjármálageiranum hefur áhyggjur af stöðu mála, og að útgreiðsla á þessu fé geti haft alvarlegar afleiðingar í för með sér fyrir Ísland. Til einföldunar, eru þrotabú Kaupþings og Glitnis risavaxin, en heildareignir þeirra nema samtals yfir 1.700 milljörðum króna, eða sem nemur ríflega einni landsframleiðslu Íslands. Laust fé er samtals um 725 milljarðar, þar af nemur laust fé í erlendri mynt um 675 milljörðum. Áhyggjurnar snúa öðru fremur að því að útgreiðsla á þessu fé grafi undan gjaldeyrisstöðu þjóðarbússins, á viðkvæmum tímum ekki síst þar sem opinberar skuldir Íslands, ríkis og sveitarfélaga, eru nú um 1.600 milljarðar króna, þar af að miklu leyti í erlendri mynt. Til viðbótar komi síðan miklar skuldir fyrirtækja, eins og Orkuveitu Reykjavíkur, sem ekki séu taldar með til opinberra skulda. Á næstu árum sé endurfjármögnunaráhætta þjóðarbússins mikil og aðgengi að erlendum gjaldeyri nauðsynlegt. Hópurinn, sem áhyggjur hefur af nauðasamningunum, for í gær á fund með Ólafi Ragnari Grímssyni, forseta Íslands, og lýsti þar áhyggjum sínum af stöðu mála, og kom þeim upplýsingum á framfæri að stjórnvöld þyrftu að efla þekkingu sína á stöðu mála og reyna með öllum ráðum að koma í veg fyrir að útgreiðslan til vogunarsjóðanna ætti sér stað. Samkvæmt heimildum fréttastofu, kom það fram á fundinum að þeir hefðu áhyggjur af því að þingmenn hefðu enga þekkingu á málinu og litlar upplýsingar á borðinu, enda stutt í kosningar og einbeiting á öðru en þrotabúum gömlu bankanna. Þá hefur það einnig valdið aukinni spennu að lögmenn á vegum kröfuhafanna, þar helst lögmenn frá Logos lögmannsstofu, hafa komið á fundi með einstaka mönnum innan þessa hóps, sem hefur áhyggjur af stöðu mála, og komið óánægju vogunarsjóðanna skýrlega á framfæri, og talaði einn heimildarmanna um óbeinar hótanir þegar að þessu kemur. Að auki finnst mörgum það einkennilegt, að vogunarsjóðirnir geti fengið hið mikla fé í hendur, frá Íslandi, þrátt fyrir að hér séu í gildi gjaldeyrishöft. Seðlabankinn og stjórnvöld muni þurfa að halda vel spöðunum, og þurfi að kappkosta að halda gjaldeyri í hagkerfinu á viðkvæmum tímum. Seðlabankinn hefur hins vegar síðasta orðið um hvernig þessum málum verður háttað, og þá hvort og hvenær, féð fer til vogunarsjóðanna í kjölfar nauðasamninga, og hefur skýrlega gefið til kynna að hann muni taka sér þann tíma sem þarf til þess að skoða málið ofan kjölinn. Mest lesið Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Ráðinn framkvæmdastjóri Landssambands veiðifélaga Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Skorað hefur verið á Ólaf Ragnar Grímsson, forseta Íslands, að beita sér gegn því að nauðasamningar við kröfuhafa í þrotabú Kaupþings og Glitnis verði samþykktir. Hópur starfsmanna í fjármálageiranum óttast að útgreiðsla á hundruðum milljarða í erlendri mynt, geti grafið undan gjaldeyrisstöðu þjóðarbússins og valdið miklu efnahagstjóni. Stærstu kröfuhafarnir í bú Kaupþings og Glitnis eru vogunarsjóðir, sem keyptu kröfur í búin á slikk eftir fall bankanna, og vilja nú fá greitt úr búnum allt laust fé, sem er yfir 700 milljarðar, þar af mest í erlendri mynt. Hópur starfsmanna í fjármálageiranum hefur áhyggjur af stöðu mála, og að útgreiðsla á þessu fé geti haft alvarlegar afleiðingar í för með sér fyrir Ísland. Til einföldunar, eru þrotabú Kaupþings og Glitnis risavaxin, en heildareignir þeirra nema samtals yfir 1.700 milljörðum króna, eða sem nemur ríflega einni landsframleiðslu Íslands. Laust fé er samtals um 725 milljarðar, þar af nemur laust fé í erlendri mynt um 675 milljörðum. Áhyggjurnar snúa öðru fremur að því að útgreiðsla á þessu fé grafi undan gjaldeyrisstöðu þjóðarbússins, á viðkvæmum tímum ekki síst þar sem opinberar skuldir Íslands, ríkis og sveitarfélaga, eru nú um 1.600 milljarðar króna, þar af að miklu leyti í erlendri mynt. Til viðbótar komi síðan miklar skuldir fyrirtækja, eins og Orkuveitu Reykjavíkur, sem ekki séu taldar með til opinberra skulda. Á næstu árum sé endurfjármögnunaráhætta þjóðarbússins mikil og aðgengi að erlendum gjaldeyri nauðsynlegt. Hópurinn, sem áhyggjur hefur af nauðasamningunum, for í gær á fund með Ólafi Ragnari Grímssyni, forseta Íslands, og lýsti þar áhyggjum sínum af stöðu mála, og kom þeim upplýsingum á framfæri að stjórnvöld þyrftu að efla þekkingu sína á stöðu mála og reyna með öllum ráðum að koma í veg fyrir að útgreiðslan til vogunarsjóðanna ætti sér stað. Samkvæmt heimildum fréttastofu, kom það fram á fundinum að þeir hefðu áhyggjur af því að þingmenn hefðu enga þekkingu á málinu og litlar upplýsingar á borðinu, enda stutt í kosningar og einbeiting á öðru en þrotabúum gömlu bankanna. Þá hefur það einnig valdið aukinni spennu að lögmenn á vegum kröfuhafanna, þar helst lögmenn frá Logos lögmannsstofu, hafa komið á fundi með einstaka mönnum innan þessa hóps, sem hefur áhyggjur af stöðu mála, og komið óánægju vogunarsjóðanna skýrlega á framfæri, og talaði einn heimildarmanna um óbeinar hótanir þegar að þessu kemur. Að auki finnst mörgum það einkennilegt, að vogunarsjóðirnir geti fengið hið mikla fé í hendur, frá Íslandi, þrátt fyrir að hér séu í gildi gjaldeyrishöft. Seðlabankinn og stjórnvöld muni þurfa að halda vel spöðunum, og þurfi að kappkosta að halda gjaldeyri í hagkerfinu á viðkvæmum tímum. Seðlabankinn hefur hins vegar síðasta orðið um hvernig þessum málum verður háttað, og þá hvort og hvenær, féð fer til vogunarsjóðanna í kjölfar nauðasamninga, og hefur skýrlega gefið til kynna að hann muni taka sér þann tíma sem þarf til þess að skoða málið ofan kjölinn.
Mest lesið Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Ráðinn framkvæmdastjóri Landssambands veiðifélaga Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira